Лейлекте курал сактоо эрежесин бузган жаран жоопкерчиликке тартылды
Лейлек районунда 24–27-августтагы өткөн рейддик иш-чарасында курал сактоо эрежесин бузган 1 жаран жоопкерчиликке тартылып, дагы 1 тургун мыйзамсыз сактап жүргөн ок атуучу куралын милицияга өз ыктыяры менен тапшырды.
Баткен облустук ички иштер башкармалыгынын маалыматына ылайык, милиция кызматкерлери район аймагында ок атуучу куралдарды мыйзамсыз жүгүртүүгө жол бербөө жана алдын алуу иштерин жүргүзүүдө.
Текшерүүдө курал сактоо эрежесин бузган бир жаранга Кыргыз Республикасынын Укук бузуулар жөнүндө кодексине ылайык протокол түзүлүп, мыйзамда белгиленген тартипте жоопкерчилик чарасы көрүлдү.
Ошондой эле Сумбула айыл аймагынын тургуну үйүндө тиешелүү документтери жок сактап жүргөн ок атуучу куралын өз ыктыяры менен тапшыруу боюнча арыз менен кайрылган.
Аймактык милиция жарандарды ок атуучу куралдарды сактоо, алып жүрүү жана колдонуу боюнча мыйзам талаптарын так сактоого чакырды.
