Прокуратуранын кийлигишүүсүнөн кийин жаран тиешелүү кенемтесин алды
Башкы прокуратура жарандын кайрылуусунун негизинде эмгек мыйзамдарынын сакталышы боюнча текшерүү жүргүзүп, тиешелүү чараларды көрдү. Бул тууралуу мекеменин басма сөз кызматы билдирди.
Маалыматка ылайык, финансылык мекемелердин биринде болгон өндүрүштүк кырсыкка байланыштуу Эмгек мыйзамдарын көзөмөлдөө кызматы тиешелүү чараларды өз убагында көргөн эмес.
Жаран аталган кызматка бир нече жолу кайрылганына карабастан, жубайынын каза болгондугуна байланыштуу кенемте ала албай келген.
Прокурордук чара көрүү актысынын негизинде жарандын укуктары калыбына келтирилип, II топтогу майыптыгы бар А.С.га финансылык мекеме 6,5 млн сом компенсация төлөп берди.
Ошондой эле кызматтык милдеттерин талаптагыдай аткарбаган жооптуу кызмат адамы тартиптик жоопкерчиликке тартылды.
