Бишкекте туруктуу жумушу жок 47 жаран чач тарач кесибин өздөштүрдү
2026-жылдын 7 айында борбор калаада 1114 жумушсуз жаран кесиптик окууга жөнөтүлүп, алардын 986сы окуусун аяктады. Бул тууралуу Бишкек шаардык иш менен камсыз кылууга көмөктөшүү башкармалыгынан билдиришти.
Маалыматка ылайык, алардын катарында A.N.B. окуу борборунда "Кеңири профилдеги чач тарач" адистиги боюнча билим алган 47 адам бар. Бүтүрүүчүлөргө сертификаттар тапшырылды.
Белгиленгендей, чач тарач кесиби — Бишкектин эмгек рыногунда суроо-талапка ээ болгон адистиктердин бири. Окуу учурунда алган билим жана көндүмдөр жумушка орношууга же өз алдынча ишкердикти баштоого мүмкүнчүлүк берет.
