Чоң-Алайда үйлөрү зыянга учураган 2 жаранга кенемте төлөндү
Чоң-Алай районунун акими Мирбек Шамырканов кырсыктан улам чыгымга учураган жарандарга Мамлекеттик камсыздандыруу уюму берген камсыздандыруу кенемтелерин тапшырды.
Аймактын мамлекеттик админстрациясынын маалыматына ылайык, 27-июнда катуу шамалда үйүнүн чатыры жабыркаган Жекенди айылынын тургуну Ж. Өмүрзаковго 50 миң сомдук, ал эми 29-июлда турак жайында өрт чыккан Н. Ормоновго 400 миң сомдук сертификат берилди.
Белгиленгендей, камсыздандыруу төлөмдөрү жарандардын кырсыктан улам тарткан материалдык көйгөйлөрүн жабууга багытталган.
