Кызыл-Шарктагы спорт залдын имараты өрттөн кийин инженердик текшерүүдөн өттү

Жер титирөөгө туруктуу курулуш жана инженердик долбоорлоо мамлекеттик институтунун Түштүк башкармалыгы Оштогу Кызыл-Шарк айылындагы спорт залдын имаратына текшерүү жүргүздү. Бул тууралуу Курулуш министрлигинин басма сөз кызматы билдирди.

Маалыматка ылайык, инженердик-техникалык текшерүү Савай айыл өкмөтүнүн кайрылуусунун негизинде жана имаратта катталган өрт кырсыгынан кийин анын техникалык абалын баалоо максатында өттү.

Адистер долбоордук жана техникалык документтерди изилдеп, өрттүн имараттын негизги конструкцияларына тийгизген таасирин жана алардын техникалык абалын баалашты. Ошондой эле жүргүзүлгөн изилдөөлөрдүн негизинде тиешелүү чиймелер даярдалды.

Белгиленгендей, алдыда институт техникалык абалы боюнча корутунду даярдап, аны мындан ары пайдалануу боюнча сунуштар иштелип чыгат.