Эгемендүүлүк күнүнө карата Нарында 10 жаңы имарат ишке берилет
Эгемендүүлүк күнүнө карата Нарын облусунда 10 жаңы объектти ишке берүү көздөлүүдө. Алардын арасында 6 мектеп, 1 административдик имарат, 1 бала бакча жана 2 өндүрүштүк ишкана бар.
Аймактык өкүлчүлүктүн басма сөз кызматы билдиргендей, облус башчысы Эркинбек Чекирбаев имараттардын даярдыгы менен таанышып чыкты.
Ал курулуш иштеринин жүрүшүн көрүп, сапаттуу жана белгиленген мөөнөттө бүтүрүү боюнча тиешелүү кызматтарга тапшырмаларды берди.
Белгиленгендей, жаңы объектилердин пайдаланууга берилиши аймактагы билим берүү, социалдык жана өндүрүштүк инфратүзүмдү өнүктүрүүгө өбөлгө түзөт.
