Кел-Суу көлүндө экологиялык талаптарды бузгандарга чара көрүлдү
Нарын облусундагы Кел-Суу көлүндө экологиялык талаптарды бузгандарга 5 протокол түзүлүп, жалпы 22 миң 500 сом айып салынды. Бул тууралуу Жаратылыш ресурстары министрлигинин басма сөз кызматы билдирди.
Маалыматка ылайык, иш-чаранын жүрүшүндө айрым кайыктардын моторлорунан айлана-чөйрөгө зыяндуу заттарды чыгаруу, ошондой эле жайыттарга унаалар менен башаламан кирип, өсүмдүктөрдү тебелеп-тепсөө фактылары аныкталган.
Мындан тышкары, көлдүн жээгинде сууну булгап жаткан эки кайыктын мотору чыгарылды.
Тескөөчүлөр кайык айдоочуларына, унаа ээлерине жана туристтерге түшүндүрүү иштерин жүргүзүп, жайыттарды жана суу аймактарын бузбоо, унааларды белгиленген жолдор менен гана айдоо зарылдыгын эскертишти.
