Кеминде борбордук көчөнү көрктөндүрүү демилгеси ишке ашырылууда
Кемин шаарындагы Жибек-Жолу көчөсүн жашылдандыруу жана көрктөндүрүү боюнча долбоор даярдалып, ишке ашырыла баштады. Бул тууралуу Курулуш министрлигинин басма сөз кызматы билдирди.
Маалыматка ылайык, долбоорду Кемин шаарынын мэри Канболот Тутуевдин демилгеси менен Кемин райондук шаар куруу жана архитектура башкармалыгынын архитекторлору иштеп чыгышкан.
Белгиленгендей, демилге жүзөгө ашкандан кийин калаанын борбордук көчөлөрүнүн көркү жакшырып, шаардык чөйрөнүн архитектуралык-эстетикалык сапаты жогорулап, ошондой эле шаар тургундары үчүн ыңгайлуу чөйрө түзүлөт.
