Ысык-Көлдө 2 кызматкердин жасалма диплом менен иштеп жүргөнү аныкталды
Ысык-Көл аймактык транспорт башкармалыгында 2 жаран жасалма диплом менен иштеп жүргөнү аныкталды. Бул тууралуу Башкы прокуратуранын басма сөз кызматы билдирди.
Маалыматка ылайык, алар жумушка орношууда К. Тыныстанов атындагы Ысык-Көл мамлекеттик университетинин жана Ж. Баласагын атындагы Кыргыз улуттук университетинин атынан берилген жогорку билим тууралуу дипломдорду көрсөтүшкөн.
Транспорттук прокуратура жүрзүзгөн текшерүүдө алардын бул окуу жайларда окубаганы жана көрсөткөн дипломдору жасалма экени тастыкталган.
Бул факты боюнча Кылмыш-жаза кодексинин 379-беренеси менен эки кылмыш иши козголду. Учурда тергөө амалдары жүргүзүлүүдө.
