Манас шаарында архивдин жаңы имараты 5 млн 343 миң сомго каржыланды
Архив кызматынын 100 жылдыгына карата Манас шаардык мамлекеттик архивинин жаңы имаратынын ачылды. Бул тууралуу калаа мэриясынын басма сөз кызматы билдирди.
Иш-чарага Жалал-Абад облус башчысынын биринчи орун басары Шабдан Абдырайым уулу, мэрдин орун басары Кубанычбек Шерматов, шаардык кеңештин төрагасы Аскат Талант уулу жана архив кызматкерлери катышты.
Жаңы имарат архивдик документтерди талаптагыдай сактоого жана кызматкерлер үчүн заманбап, ыңгайлуу шарттарды түзүүгө мүмкүнчүлүк берери айтылды.
Белгиленгендей, имарат Финансы министрлигинин каржылоосу менен 5 млн 343 миң сомго оңдоп-түзөлдү.
