Баткенде 18 ветеринардык дарыканага мониторинг жүргүзүлдү
Баткен облусунда ветеринардык дары-дармектердин сатылышына жана сакталуусуна көзөмөл жүргүзүү максатында 18 ветеринардык дарыканага мониторинг жүргүзүлдү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Текшерүү 2-сентябрда Ветеринардык жана фитосанитардык көзөмөл кызматынын Баткен облусу боюнча региондук башкармалыгынын инспекторлору жана Ветеринария, мал чарбасын өнүктүрүү, жайыт жана тоют кызматынын райондук башкармалыктарынын адистери тарабынан өткөрүлдү.
Мониторингдин жүрүшүндө ветеринардык дары-дармектерди сатуу жана сактоо шарттары, ошондой эле дарыканалардын ишмердүүлүгүндө мыйзам талаптарынын сакталышы текшерилди.
Адистер ветеринардык дарыканалардын өкүлдөрүнө тиешелүү түшүндүрүү иштерин жүргүзүштү. Аныкталган кемчиликтер боюнча мыйзам чегинде тиешелүү чаралар көрүлөт.
