Кырчында милиция кызматкерлери күчөтүлгөн тартипте кызмат өтөөдө
VI Дүйнөлүк көчмөндөр оюндары өтүп жаткан учурда Ысык-Көлгө 150 миңге жакын конок келди. Бул тууралуу Ички иштер министрлигинин Басма сөз кызматы билдирди.
Маалыматка ылайык, милиция кызматкерлери коомдук тартипти жана жол кыймылынын коопсуздугун камсыз кылуу менен катар жарандарга ар кандай кырдаалда жардам көрсөтүүдө.
Алар конокторго жол көрсөтүп, керектүү багыттарды түшүндүрүп, жоголгон буюмдарды табууга жана жүрүп-туруу маселелерин чечүүгө көмөк көрсөтүүгө даяр.
Учурда милиция кызматкерлери Кырчын жайлоосунда күчөтүлгөн тартипте кызмат өтөп, оюндардын катышуучулары менен конокторунун коопсуздугун камсыз кылууну улантууда.
