Бишкек мэриясы 30дан 50 кабатка чейинки үйлөрдү куруу улантыларын билдирди
Бишкек шаарынын мэриясы борбор калаанын жаңы Башкы план долбоорун талкуулоо учурунда айтылган Перспективдүү шаар куруу илимий-изилдөө институтунун (НИИ ПГ) өкүлү Ирина Гришечкининанын билдирүүлөрүнө байланыштуу расмий билдирүү таратты.
Муниципалитетте белгилешкендей, адистин сөздөрү сейсмикалык жактан кооптуу аймактарга гана тиешелүү. Мындай зоналарда чындап эле курулуштун бийиктигин чектөө зарыл. Ошол эле учурда, мэрия баса белгилегендей, инвестициялык долбоорлорго жалпы тыюу салуу тууралуу сөз болгон эмес.
"Бишкек шаарынын мэриясы Башкы пландын буйрутмачысы катары расмий билдирет: инвестициялык долбоорлор толугу менен колдоого алынат", — деп айтылат билдирүүдө.
Ошондой эле муниципалитет шаарда 30дан 50 кабатка чейинки имараттарды курууга уруксат берилерин ырастады. Эгерде куруучулардын ыйгарым укуктуу мамлекеттик органдардан алынган бардык зарыл уруксат документтери бар болсо.
Мэриянын маалыматына ылайык, Башкы планды иштеп чыгуучулар шаардын кызыкчылыктарын, ошондой эле шаарды өнүктүрүү маселелерин, анын ичинде коопсуздук жана курулуштун туруктуулугуна байланышкан талаптарды эске алууга милдеттүү.
