В Кыргызстанда 11 айда 8 614 жеке турак үй курулган
2025-жылдын январь–ноябрь айларында Кыргызстанда жалпы аянты 1 174,7 миң чарчы метрди түзгөн 8 614 жеке турак жай пайдаланууга берилип, 2024-жылдын ушул эле мезгилине салыштырмалуу 8,1%га көп болгон.
2025-жылдын 11 айында жеке турак жай курууга негизги капиталга салынган инвестициялардын көлөмү, баалоо боюнча, 34 655,7 млн сомду түздү. Бул 2024-жылдын январь–ноябрь айларына салыштырмалуу 5,3%га көп.
Жеке турак жай курууга багытталган каражаттардын үлүшү өздөштүрүлгөн инвестициялардын жалпы көлөмүндө 12,2%ды түздү (2024-жылдын январь–ноябрында — 13,6%).
Жеке турак жайлардын негизги бөлүгү — 77,1%ы — Жалал-Абад, Чүй жана Ош облустарына, ошондой эле Бишкек шаарына туура келди.
Айыл жергесинде 646,7 миң чарчы метр жеке турак жай пайдаланууга берилген, бул жалпы киргизилген турак жайдын көлөмүнүн 55,1%ын түзөт.
