Бишкекте Жаңы жылда "Санжыра" жаңы гүл бакчасы ачылды
Кечээ, 31-декабрда Бишкек шаарында "Санжыра" жаңы гүл бакчасы түрдө ачылды. Муниципалитеттен билдиришкендей, трезиденттин колдоосу менен жалпы аянты 2 гектарды түзгөн жер тилкесинде заманбап гүл бакча көрктөндүрүлдү.
Анын аймагында балдар үчүн оюн аянтчалары, кичи-футбол талаасы, ошондой эле сейилдөөчү жайлар жабдылды. Белгилей кетсек, жаз айларында гүл бакчанын аймагына кошумча жашыл көчөттөрдү отургузуу пландалып жатат.
Учурда шаардагы иштеп жаткан жашыл зоналардын жалпы аянты 606 гектарды түзөт.
2050-жылга чейинки жаңы Башкы планга ылайык, Бишкекте кошумча 2 миң 416 гектар парк, сквер, бакча жана бульварларды түзүү каралууда. Мунун натыйжасында жашыл аймактардын жалпы аянты 3 миң 22 гектарга жетип, дээрлик беш эсе көбөйөрүн Бишкек мэриясы буга чейин билдирген.
