Декларация-2024: Президенттин кандай мүлкү бар?
Мамлекеттик салык кызматы 2024-жылга карата мамлекеттик жана муниципалдык кызматкерлердин декларациялары боюнча жыйынтык маалыматтарды жарыялады.
Берилген маалыматка ылайык, Президент Садыр Жапаровдун 2024-жылдагы кирешеси 2 млн 214 миң 482,38 сомду түзгөн. Чыгымдары декларацияда көрсөтүлгөн эмес.
Президенттин менчигинде:
- аянты 2627 чарчы метрди түзгөн бизнес-борбор;
- Ысык-Көл облусунун Түп районунда жайгашкан 63 сотых айыл чарба багытындагы жер тилкеси;
- 21 сотых жер тилкеси бар.
Кыймылдуу мүлкүнөн 100 миң сомго бааланган "Жигули" үлгүсүндөгү автоунаа көрсөтүлгөн.
Ошондой эле президенттин декларациясында 1 млрд 163,5 млн сом сумма көрсөтүлгөн — бул акча каражаттарын легалдаштыруу катары белгиленген. Президенттин жакын туугандарынын бир жылдык кирешеси 29 млн 706 миң 840 сомду түзгөн.
