Манас районунда 1 тоннадан аша турган уйларды өстүрүүчү кооператив ачылды

Ишкер Media

23 янв. 2026 09:50

Суу ресурстары, айыл чарба жана кайра иштетүү өнөр жайы министрлиги Манас районунда 48 кооператив ийгиликтүү иш алып барып, эт жана сүт багытындагы асыл-тукум мал жандыктарын багып жатышканын билдирди.

Алардын катарына жаңыдан түзүлгөн "Ногойбай ата" кооперативи да кошулду. Кооператив аулиеколь породасындагы уйларды өстүрүүгө адистешкен. Бул порода суукка чыдамкайлыгы жана эт продукциясынын жогорку көрсөткүчү менен айырмаланат. Тактап айтканда, 10 айлык торпоктордун салмагы 500 килограммдан ашса, 2 жаштан жогору уйлардын тирүү салмагы 1 тоннадан ашык болот.

Министр Бакыт Төрөбаевдин тапшырмасына ылайык, мал чарбачылыгында сандан сапатка өтүү саясатынын алкагында дыйкан-фермерлерге ар тараптуу колдоо көрсөтүлүүдө. Мунун алкагында Манас районунда эле өткөн жылы 8 жаңы кооператив түзүлгөн.

Ошондой эле 2025-жылы Манас району боюнча 2 асыл-тукум чарбасы аттестациядан ийгиликтүү өттү. Алардын бири эт багытындагы абердин-ангус породасындагы уй чарбасы болсо, экинчиси сүт багытындагы голштино-фриз породасындагы чарба болуп саналат.

Асыл-тукум мал чарбачылыгын өнүктүрүү аймактагы эт жана сүт продукциясынын көлөмүн көбөйтүүгө, фермерлердин кирешесин жогорулатууга жана азык-түлүк коопсуздугун камсыздоого өбөлгө түзүүдө.

Мындан тышкары окуңуз

Brent мунайынын баррели 90 доллардан төмөн түштү

Brent мунайынын баасы баррелине 90 доллардан төмөн түшкөнүн соода маалыматтары күбөлөндүрөт. 2026-жылдын май айында жеткириле турган Brent маркасындагы мунайдын фьючерстеринин баасы Лондондогу ICE биржасында баррелине 90 доллардан төмөн түштү. Бул баа бир суткадан бир аз убакыт өткөндөн кийин болду, мурда анын чеги 119 долларга чейин жеткен. Россия мунайынын баасы да

ЖОЖдор арасындагы инновациялык 59 долбоордун мыктылары каржыланат

Кечээ "Кабар" агенттигинде өткөн маалымат жыйынында Жогорку билим берүүдөгү сапат жана инновациялар долбоорунун директору Расул Абазбек уулу 2025-жылы өткөрүлгөн инновациялык конкурстун жыйынтыгы менен бөлүштү. Анын айтымында, өткөн жылы август айында биринчи айлампа жарыяланып, 38 мамлекеттик жана жеке менчик жогорку окуу жайы сынакка катышууга өтүнмө берген. “Жалпысынан 196 долбоор

Ж.Токторбаев: Шаардын жалпы карызы 2 млрд 300 млн сом

Ош шаарынын мурдагы мэри Жеңишбек Токторбаев "Азаттыкка" берген маегинде ал иштеп турганда мэриянын карызы 12 млрд сомго жеткени тууралуу маалыматтарды четке какты. Анын айтымында, ал Ошко мэр болуп дайындалганга чейин Мамыров, Амир-Тимур, Көкүм бий көчөлөрүн оӊдоого 586 млн сом бөлүнгөн. Ал кызматка киришкенден кийин 2 млрд 200 млн

Алюминий баасы жогорулап тоннасы 3544 долларга чыкты

Алюминий баасы 2022-жылдын апрелинен берки эң жогорку деңгээлге жеткенин Интерфакс кабарлайт. Маалыматка караганда, алюминийдин баасы биринчи жолу 2,8%га көтөрүлүп, 3544 долларды түздү. Акыркы жумада алюминий баалары дээрлик 10%га көтөрүлүп, үч жылдагы рекорддук өсүштү белгиледи, бул дүйнөлүк алюминий өндүрүшүнүн болжол менен 9%ын түзгөн Жакынкы Чыгыштагы жеткирүүнүн үзгүлтүккө