Италия кышкы Олимпиада оюндарынын дарядыгына 5 млрд доллар сарптады
Милан жана Кортине-д’Ампеццо шаарларында өтчү 2026-жылкы кышкы Олимпиада оюндарына даярдык чыгымдары материалдардын баасынын өсүшү жана кыска мөөнөттөгү курулуштар себептүү баштапкы пландан бир топ кымбатыраак болгону маалымдалды деп жазат Reuters.
Уюштуруу комитетинин башкы директору Андреа Варнье белгилегендей, даярдыкка каралган бюджет бир нече эсе көбөйгөн.
2019-жылы оюндарды өткөрүүгө арыз бергенде чыгымдар болжол менен 1,3 миллиард доллар деп баалангандан кийин, Оюндун ачылышына чейин операциялык бюджет 1,7 миллиард долларга жеткен. Негизги финансылык жүк мамлекеттин казынасына түшкөн: жолдорду жана жаңы спорттук объектилерди курууга кошумча 3,5 млрд доллар инвестиция салынган.
Уюштуруучулар Олимпиаданы өткөрүү жолунун "күтүлгөндөн татаалдашканын" мойнуна алышты. Айрыкча көйгөйлүү учурлардын бири — Кортине шаарындагы санно-бобслей трассасын куруу болду.
ЭОКтун сунушуна карабастан, Италия өз борборун курууну чечкен, анын наркы 50 млн евродон 120 млн еврого чейин көтөрүлгөн. Ошондой эле Миландагы Santa Giulia хоккей аренасы шашылыш бүткөрүлүп, бир нече апта калганда гана жарыштарга даяр болгон.
