Bithumb жаңылып кардарларга 44 млрд долларлык биткойн которуп жиберген
Түштүк Кореянын Bithumb криптобиржасы кардарларына жаңылыштык менен болжол менен 44 млрд долларлык биткойн которуп жибергенин BILD басылмасы жазды.
Сеул шаарында жайгашкан компаниянын маалыматына ылайык, окуя жарнамалык акциянын жүрүшүндө болгон жана хакердик чабуулга же коопсуздуктагы алсыздыктарга байланыштуу эмес.
Биржанын маалыматында айтылгандай, 695 кардарга ар бири 2000 вон (болжол менен 1,37 доллар) өлчөмүндө бонус чегерилиши керек болчу. Бирок катачылыктан улам алардын ар бирине кеминде 2000 биткойн чегерилип кеткен. Көптөгөн алуучулар криптовалютаны дароо сата башташкан, натыйжада рынок катуу реакция берип, Bitcoin курсу кыска убакытка 17% төмөндөгөн.
Bithumb бул окуя үчүн кечирим сурап, жаңылыштык менен таратылган 620 миң биткойндун 99,7%ы кайра кайтарылганын билдирди.
