Транспорт

2025-жылы Кыргызстанда жалпы 1200 километрден ашык жолго асфальт төшөлдү

Ишкер Media

24 окт. 2025 11:44

Транспорт жана коммуникациялар министри Абсаттар Сыргабаев транспорт жана жол чарба кызматкерлерин кесиптик майрамы менен куттуктап жатып Кыргызстанда жыл башынан бери 1200дөн ашык чакырым жол асфальтталганын билдирди.

Министрдин айтымында, акыркы жылдарда жол тармагынын өнүгүүсүнө жакшы шарттар түзүлүп, Барскоон - Бедел, Балыкчы - Бөкөнбаев - Каракол, Ала-Бука - Жаңы-Базар - Кировка, Нарын - Баетов унаа жолдору мамлекеттин эсебинен курулуп жатат.

“Ошондой эле Бишкек шаарынын айланасындагы жолдорду кеңейтүүнүн алкагында Бишкек - Кант, Бишкек - Күн-Туу - Шопоков, Лебединовка - ГЭС 5 жана Бишкектин - Түндүк айланма жолдору курулуп жатат. Жол тыгынын алдын алуу жана айдоочуларга ыңгайлуу шарт түзүү максатында министрлик быйыл шаарды айланып өтүүчү 6 тилкелүү магистралды куруу иштерине активдүү киришкен.

Мындан сырткары, Түндүк – Түштүк альтернативдүү автожолундагы 5 кошумча курулманы куруу уланып, жарактан чыккан Өзгөн - Мырза-Аке - Кара-Кулжа жолунун 33 чакырымы капиталдык оңдоодон өткөн.

Көп жылдан бери көтөрүлүп, бирок бир катар себептерден улам кийинкиге жылдырылып келген Ош - Баткен - Раззаков жолу жасалды. Туруктуу туризмдин өнүгүшүнө, аймактык каттамдарды жакшыртууга түрткү берген Түп-Кеген жолу ачылды. Чолпон-Ата шаарынын борбордук көчөсү кыска мөөнөттө жаңыланып, пайдаланууга берилди", - деди министр.

Мындан тышкары окуңуз

16-декабрда Бишкектин айрым жерлеринде суу берүү убактылуу токтотулат

16-декабрда Бишкек шаарында Элебаев көчөсүндөгү диаметри 300 мм болгон суу түтүгүн жылдыруу иштерине байланыштуу саат 09:00дөн 19:00гө чейин ичүүчү суу берүү убактылуу токтотулат. Бул тууралуу "Бишкексууканал" муниципалдык ишканасы маалымдады. Суу берүү турак жайларга, мектептерге, бала бакчаларга, саламаттык сактоо мекемелерине жана социалдык-тиричилик объектилерине чектелет. Өчүрүү аймагы Ж.

Бишкекте БА менен АКШнын экономикалык кызматташтыгын талкуулаган форум өтөт

12-декабрда Бишкекте 2026-жылдын 4–5-февралында өтө турган Экинчи "В5+1" Форумун даярдоого арналган брифинг болуп өттү. Ага Атайын жана Ыйгарым укуктуу Элчилер жана дипломатиялык корпустун өкүлдөрү катышты. Бул тууралуу Экономика жана коммерция министрлигинен билдиришти. Маалыматка ылайык, форум 2025-жылдын 6-ноябрында Вашингтондо өткөн "С5+1" саммитинде жетишилген макулдашууларды

Кыргызстанга Хакасиядан 23 миң 300 метр куб жыгач экспорттолгон

Хакасия жана Тыва республикалары 2025-жылдын январь–ноябрь айларында региондон экспортко 24 миң 36 кубометр ийне жалбырактуу жыгач жөнөтүлгөн. Бул көрсөткүч өткөн жылдын ушул мезгилине салыштырмалуу 2,4%га көп экенин Россия ветеринардык жана фитосанитардык көзөмөл кызматы билдирди. Негизги көлөм — 22 миң 200 метр куб (92,2%) — Тажикстанга жөнөтүлгөн. Калган жыгач

Жаңы автобекет 2026-жылдын экинчи кварталында курулуп бүтөт

Президенттин иш башкаруучусу Каныбек Туманбаев Бишкектеги автобекеттин курулушун 2026-жылдын экинчи кварталында бүткөрүү пландалып жатканын кечээ "Азаттыкка" билдирди. Ал учурда курулуш-монтаждоонун негизги бөлүгү аткарылып, чатырды жабуу 80%га, жылытуу, желдетүү, суу менен камсыздоо, канализация жана электр жабдууларын орнотуу 50%га жакын аткарылганын билдирди. "Аймакта жер алдындагы суу чыккандыгына