Бир жумада 28 миңден ашык жол эрежесин бузуу фактысы катталды
Кыргызстанда 14-августтан 20-августка чейин, алдын ала маалымат боюнча, 28 367 жол эрежесин бузуу фактысы аныкталды. Бул тууралуу ИИМдин Жол кыймылынын коопсуздугун камсыздоо башкы башкармалыгы билдирди.
Алардын ичинен:
• тийиштүү документтери жок унаа башкаруу — 948;
• мас абалында унаа башкаруу — 519;
• унаанын терезелерин мыйзамсыз караңгылатуу — 224;
• жөө жүргүнчүлөр катышкан жол эрежесин бузуулар — 873;
• транспорт каражаттарын эксплуатациялоо эрежелерин бузуу — 5 236;
• автоээнбаштык — 38;
• белгиленген ылдамдыктан ашуу — 2 119;
• жалган мамлекеттик номер менен унаа башкаруу — 17;
• башка жол эрежелерин бузуу фактылары — 15 073.
Мындан тышкары, ар кандай жол эрежелерин бузгандыгы үчүн 3 320 унаа айып короого киргизилди.
ЖКККББ айдоочуларды жол кыймылынын эрежелерин так сактоого чакырды.
