Ошто узундугу 2,6 чакырымды түзгөн ири жол пайдаланууга берилди
Ошто Төлөнөв, Калмурзаев жана Атабаев көчөлөрүн Ишматов көчөсүнөн А. Сүйүмбаев көчөсүнө чейинки аралыкта жаңыланган жол пайдаланууга берилди. Бул тууралуу калаа мэриясынан билдиришти.
Жолдун ачылыш аземине Жогорку Кеңештин төрагасы Марлен Маматалиев, Ош шаарынын мэри Жанарбек Акаев, депутаттар жана шаар тургундары катышты.
Маалыматка ылайык, жолдун жалпы узундугу 2650 метр, туурасы 22 метрди түзөт. Анын 15 метри унаалар үчүн бөлүнүп, эки катмардан турган 15 сантиметр калыңдыктагы асфальт төшөлгөн.
Белгиленгендей, долбоордун алкагында жолдун эки тарабына тротуарлар курулуп, арыктар жаңыланды жана жашылдандыруу зоналары каралды. Ошондой эле эки көпүрө оңдолду.
