Мурдагы депутат Сергей Ибрагимов текшерүүдөн кийин мамлекеттин бюджетине өз ыктыяры менен 100 миллион сом которду. Бул тууралуу коопсуздук комитетинин (УКМК) маалымат кызматы билдирди.

Маалыматка ылайык, Сергей Ибрагимовдун компаниялар тобуна, каржылык мыйзам бузуулар, эсептөөнүн тууралыгы жана салык төлөмдөрүн убагында төлөбөгөндүгү боюнча аудит материалдарынын алкагында коммерциялык структуралардын ишмердүүлүгүнө изилдөө иштери  жүргүзүлгөн. Натыйжада, эч кандай мыйзам бузуулар аныкталган эмес.

«Бирок С.Ибрагимов республиканын оор социалдык-экономикалык абалын эске алып, акысыз каржылык колдоо көрсөтүүгө жана мамлекетти өнүктүрүүнүн артыкчылыктуу багыттарын жүзөгө ашыруу үчүн мамлекеттин бюджетине 100 миллион сом салым кошууга ыктыярдуулугун билдирди», – деп билдиришет комитеттен.

Учурда жогорудагы сумма мамлекеттин эсебине толугу менен которулду.