Кыргызстанда 2026-жылы 75 жаңы кайра иштетүүчү ишкана ачылат
Кыргызстанда 2026-жылы 75 жаңы кайра иштетүүчү ишкана ишке кирерин Айыл чарба министрлиги маалымдап, долбоорлор өлкөнүн бардык аймактарын камтып, ички өндүрүштү көбөйтүүгө, жаңы жумуш орундарын түзүүгө жана экспортту арттырууга багытталганын белгиледи.
Долбоор мамлекеттик программа алкагында ишке ашырылып, ата мекендик продукциянын сапатын жана атаандаштыкка жөндөмдүүлүгүн жогорулатууга багытталат. Негизги басым сүт, эт, жашылча-жемиш продукциясын кайра иштетүүнү кеңейтүүгө жана тамак-аш өнөр жайын өнүктүрүүгө жасалат.
Аймактар боюнча:
- Нарын обулусу — 15 ишкана
- Жалал-Абад облусу — 14
- Ысык-Көл облусу — 12
- Ош облусу — 9
- Баткен облусу — 9
- Чүй облусу — 8
- Талас облусу— 8
Пландалган объекттер:
- 10 соода-логистикалык борбор
- 6 заманбап мөмө-жемиш жана жашылча сактоочу кампа
- 14 мөмө-жемиш кайра иштетүүчү ишкана
- 8 сүт кайра иштетүүчү ишкана
- 8 эт кайра иштетүүчү өндүрүш (анын ичинде 6 канаттуулар этин өндүрүүчү)
- 5 дан азыктарын кайра иштетүүчү завод (ун, макарон, кондитердик азыктар)
- 10 мал союу цехи
- 5 жүн кайра иштетүүчү ишкана
- 2 балык кайра иштетүүчү өндүрүш
- 3 курама тоют заводу
- 1 күрүч кайра иштетүүчү ишкана
- 1 дары чөптөрдү кайра иштетүүчү завод
- 1 минералдык суу өндүрүшү
- 1 бал кайра иштетүүчү ишкана
Жалпы каржылоо көлөмү 6,2 млрд сомду түзөт. Каражат жеңилдетилген мамлекеттик насыялар, жеке инвестициялар жана эл аралык өнөктөштөрдүн колдоосу аркылуу камсыздалат.
