Аймактарды өнүктүрүү фондунан түшкөн акча эми иш-чараларга жумшалат
Региондорду өнүктүрүү Фондунан түшкөн каражат эми аймактарды социалдык-экономикалык жактан өнүктүрүү программасынынын алкагындагы иш-чараларга жумшалат. Салыктык эмес кирешелер жөнүндө Кодекске тиешелүү өзгөртүүлөрдү киргизүү жөнүндөгү долбоорду президент Садыр Жапаров бир күн мурда, 28-июнда жактырды.
Бул өзгөртүүлөрдү киргизген мыйзам Жогорку Кеңеш тарабынан 2021-жылдын 27-майында кабыл алынган.
Түзөтүүлөрдүн максаты – пайдалуу кен чыккан жерлерди иштетүү менен алектенген жеке же юридикалык жактардын төгүмдөрүнөн Региондорду өнүктүрүү Фондуна түшкөн каражатты эффективдүү колдонуу болуп саналат.
Документ расмий жарыяланган күндөн тартып, он беш күндөн кийин күчүнө кирет.
