Транспорт

2 млн доллар менен качкан "КАП Кей Джи" компаниясынын жетекчиси кайда?

Мелис Совет уулу

02 мар. 2026 17:12

Kaktus.mediaга жүк авиажеткирүүлөр менен алектенген "КАП Кей Джи" компаниясынын кызматкерлери айлык маяналарын ала албай жатканын билдиришкен.

2026-жылдын 1-мартына карата эмгек акы боюнча жалпы карыз 1 млн 249 миң 783 долларды түзөт. Мындан тышкары, компаниянын дагы көп миллиондук карыздары жана аткарылбаган милдеттенмелери бар экени айтылууда.

Жалпысынан 37 кызматкер жабыркаган:

34ү — Кыргызстан жарандары,
2си — Россия жарандары,
1и — Өзбекстан жараны.

Алардын айтымында, баары расмий түрдө жумушка алынган.

Компаниянын сайтындагы маалыматка ылайык, негизги багыт — батыш өндүрүшүндөгү Airbus A300B4 учагы менен туруктуу жана чартердик жүк ташууларды аткаруу.

Компания Монголиядан Өзбекстанга асыл тукум кой, эчкилерди туруктуу жеткирүү боюнча милдеттенме алган. Жалпы 60 авиакаттам аткаруу пландалган, бирок иш жүзүндө 11 гана рейс аткарылган.

Ошол эле учурда кызматкерлер аткарылган иши үчүн айлык алышкан эмес. Мындан тышкары, Улан-Батор эл аралык аэропорту, Навои эл аралык аэропорту жана Манас эл аралык аэропорту тарабынан берилген эсеп-фактуралар да төлөнбөй калган. Бул эсептер боюнча учурда туум эсептелүүдө.

Кызматкерлердин айтымында, 2025-жылдын январында "Авиакомпания "КАП Кей Джи" авиакомпаниясы" ЖЧКсынын негиздөөчүсү жана иш жүзүндө аны көзөмөлдөгөн адам Жамал Абдубеков компаниянын эсептеринен акча каражаттарын чыгарып, Кыргызстан аймагынан чыгып кеткен. Айрым маалыматтар боюнча, алынган каражаттын көлөмү болжол менен 2 млн долларды түзгөн.

Мындан тышкары окуңуз

Бишкектеги 14 кабаттуу үйдүн курулушунда мыйзам бузуу аныкталды

Курулуш министрлигине караштуу Мамлекеттик архитектура-курулуш контролдоо департаментинин адистери тарабынан борбор калаадагы курулуш объектилерине туруктуу негизде көзөмөл жүргүзүлүүдө. Ведомствонун маалыматына ылайык, көзөмөл иш-чараларынын алкагында Бишкек шаарынын Севастопольская көчөсү, 7 дарегинде жайгашкан 14 кабаттуу турак жайдын курулушунда бир катар мыйзам бузуулар аныкталды. Тактап айтканда, турак жайдын 1-блогунун 7-кабатында

Ошто 35,5 млн сомго "Исанов” көмөк чордону курулат

Ош облусунда “Исанов” көмөк чордону курулуп, ал жогорку чыңалуудагы электр берүү линиялары аркылуу өлкөнүн электр тармагына кошулат. Долбоор Кыргызстандын энергетикалык инфраструктурасын чыңдоого жана кайра жаралуучу энергия булактарын электр системасына интеграциялоого багытталган. Бул тууралуу Энергетика министрлигинен билдиришти. Маалыматка ылайык, “Исанов” көмөк чордону “Кыргыз Республикасында кайра жаралуучу энергетиканы өнүктүрүү”долбоорунун биринчи фазасынын

ШКУ саммитине байланыштуу бир нече көчөлөр жабылат

30-августтан 6-сентябрга чейин Бишкек, Чүй жана Ысык-Көлдө жол кыймылына убактылуу чектөөлөр киргизилет. Бишкек шаардык мэриясынын маалыматына ылайык, жол кыймылына төмөнкү жолдордо чектөөлөр киргизилет: “Манас” эл аралык аба майданынан баштап Васильев тракты, Ю. Фучик көчөсү, Чүй, Манас жана Ч. Айтматов проспектилери, Ж. Абдрахманов, Байтик баатыр, А. Масалиев, Жайыл

Жайыт жерлерин унаа менен тепселегендерге карата айып пул салынды

Жаратылыш ресурстары министрлигине караштуу Экологиялык жана техникалык көзөмөл кызматынын кызматкерлери Аламүдүн РИИБдин кызматкерлери менен биргеликте Аламүдүн районуна караштуу Кашка-Суу аймагындагы Ак-Таш жайлоосунда рейддик иш-чара өткөрүштү. Экологиялык жана техникалык көзөмөл кызматынынмаалыматына караганда, рейддин жүрүшүндө айрым жарандардын автоунаалары менен жайыт жерлерин тепселеп, өсүмдүктөргө жана жаратылышка зыян келтирген фактылары аныкталды.