Кыргызстанда криптовалюта биржаларын түзүү сунушталууда
Кыргызстанда криптовалюта биржаларын түзүү сунушталууда. «Криптоактивдерди жүгүртүү жөнүндө» мыйзам долбоору коомдук талкууга коюлуп, ЖКнын сайтында жарыяланды.
«Криптоактивдерди жүгүртүү жөнүндө» КРнын Мыйзамынын долбоору криптоактивдерди жүгүртүүдө жаралуучу мамилелерди мыйзамдар менен жөнгө салуу, анын ичинде криптоактивдерди түзүү, чыгаруу, сактоо жана жүгүртүү маселелерин жөнгө салуу максатында иштелип чыккан.
Криптовалюта биржаларынын болушу криптовалюталарды өтө өтүмдүү активдерге айлантууга жардам берет: бир нече секунданын ичинде криптовалютаны сатып алуу же сатып жибере аласыз, бул рынокко кирүү – же тескерисинче, андан тез чыгып кетүү мүмкүн.
Мыйзам долбоору ири финансы операцияларын кызыктырган жана Кыргызстандын эл аралык криптоактивдер рыногуна киришин камсыз кылган криптовалюта биржаларын КРнын аймагында жүргүзүү үчүн тийиштүү талаптарды жана шарттарды камтыйт дешет долбоордун демилгечилери.
Мыйзам долбоордо коюлган максаттарды ишке ашыруу үчүн санарип финансы активдеринин түшүнүктөрү киргизилүүдө, аларга криптоактив жана токен кирет, ошондой эле мыйзамдар менен криптоактивдерди жөнгө салуу чөйрөсүндө мамлекеттик саясаттын негизги багыттары бекитилип жатат.
Мындан тышкары, мыйзам долбоору өнөр жай майнинги – туташтырылган кубаттуулугу 30 МВт/с жана жогору болгон майнинг боюнча иш жана жеке майнинг – туташтырылган кубаттуулугу 30 МВт/с чейинки майнинг бирок 15 МВт/с кем болбошу керек деген сыяктуу түшүнүктөрдү берет.
Долбоордун демилгечиси депутат Жыргалбек Турсункуловдун айтканына таянсак, санарип финансы активдерин ээлеринин тобокелдиктерин төмөндөтүү жана криптоактивдер менен бүтүмдөрдү жасоодо жарандарды коргоо максатында мыйзам долбоору менен криптоактивдерди жүгүртүү чөйрөсүндө жеке жана юридикалык жактардын укуктары жана милдеттенмелери, майнерлердин электрондук реестрин милдеттүү жүргүзүү, кызмат көрсөтүүлөрдүн провайдеринин ишине лицензия берүү жана криптоактивдерди жүгүртүү чөйрөсүндө жарнамага талаптар жана башка чаралар караштырылды.
