"Бир айыл — бир продукт" долбооруна катышкан улуттук бренддер сынагы өттү
Бишкекте "Бир айыл — бир продукт" долбоорунун 2025-жылдагы жыйынтыгын чыгарган улуттук бренддер сынагы өттү. Экономика жана коммерция министрлигинен билдиришкендей, иш-чаранын алкагында өлкөнүн бардык аймактарынан келген 57 аталыштагы продукция көрсөтүлдү.
Сынактын жеңүүчүлөрү:
- 1-орун (алтын медаль): "Дан куурай концентраты" (Нургүл Исакова, Баткен облусу);
- 2-орун (күмүш медаль): "Мисте печенеси" (Алиярова Гүлчехра, Жалал-Абад облусу);
- 3-орун (коло медаль): "Хурма чипсилери" (Октамова Саидахон).
Ошондой эле ишти уюштуруунун жогорку деңгээли жана өндүрүүчүлөрдүн активдүүлүгү үчүн Нарын облусу "Эң активдүү облус" деп табылды.
"Бир айыл — бир продукт" долбоору президенттин жарлыгына ылайык ишке ашырылып келет. Бүгүнкү күндө ата мекендик продукциялар Жапония, Европа, АКШ жана Араб Эмираттарына ийгиликтүү экспорттолууда. Долбоор 2023-жылдан тарта Борбор Азиянын башка өлкөлөрүнө да жайылтылып, эл аралык деңгээлге чыкты.
