ОКӨФ ишкерлерге каржылоо алуу үчүн документтерди даярдоого жардам берет
Орус-кыргыз өнүктүрүү фонду (ОКӨФ) ишкерлерге бизнес-долбоорлордун техникалык-экономикалык негиздемесин даярдоого жана инвестициялык долбоорлорго потенциалдуу каржылоо алууга жардам берет. Бул тууралуу аталган уюмдун басма сөз кызматы билдирди.
РФнын колдоосу менен каржыланган ПРООНдун «КМШ аймагындагы туруктуу өнүгүүнү каржылоо потенциалын күчөтүү» долбоорунун алкагында приоритеттүү инвестициялык долбоорлордун тизмесин түзүү иштери улантылууда.
Долбоорду тандоонун минималдуу критерийлерине жооп берген жана алдын-ала тандоодон өткөн долбоорлор техникалык колдоого кайрыла алышат.
Приоритеттүү бизнес-долбоорлор:
- Жашыл долбоорлор (климаттын өзгөрүшүнө адаптациялоо жана кесепеттерин жумшартуу)
- Аялдарга / жаштарга / аймактык ишкердүүлүккө оң таасирин тийгизген көптөгөн жумушчу орундарын түзүүчү долбоорлор
- Өндүрүлгөн продукцияны экспорттоого багытталган долбоорлор
- Импортту алмаштырууга багытталган долбоорлор
- Инновациялык технологияларды колдонуу менен өндүрүш иштетүү
- Социалдык-экономикалык натыйжа берген долбоорлор.
Техникалык колдоого кайрылуу үчүн, толтурулган анкетаны электрондук форматта projectpreparations@gmail.com почтасына 2021-жылдын 9-июлунда саат 24:00гө чейин жөнөтүү керек.
Тандоо критерийлерин кароо үчүн жана анкетанын формасын алууга бул шилтеме аркылуу кире аласыз.
- Бардык суроолор боюнча projectpreparations@gmail.com почтасына же 0778 13 58 87 номерине кайрылсаңыз болот (чалуулар дүйшөмбүдөн жумага чейин саат 15:00дөн 17:30га чейин кабыл алынат).
