Тейлөө чөйрөсү КРнын экономикасын калыбына келтирүүнүн негизги драйвери болот – ЕӨБдүн божомолу
Быйыл Кыргызстанда ИДПнын өсүшү 3.9%ды түзөт. Негизинен ал пандемиянын чектөөлөрүнүн бир топ жеңилдешине байланыштуу болот. Өткөн жылдагы төмөндөп кеткен базаны тезинен калыбына келтирүү үчүн тейлөө чөйрөсү экономиканын негизги драйвери болмокчу. Бул тууралуу Евразия Өнүктүрүү Банкынын (ЕӨБ) макроэкономикалык божомолунда айтылат.
Которулган акча агымынын болжолдуу өсүшү ички суроо-талапты колдойт. Соода боюнча өнөктөш өлкөлөрдө карантиндик чаралардын солгундашы, чет өлкөлөрдөгү кыргыз товарларын жеткирүүгө оң таасирин тийгизиши мүмкүн дешет банктын аналитиктери.
Ошол эле учурда, туризм чөйрөсү чек арадан өтүүдө айрым чектөөлөр болгондугуна байланыштуу басаңдашы мүмкүн.
Чектеген факторлор
Эксперттер КРнын экономикасын калыбына келтирүү темпи боюнча божомолун өзгөрткөн жок. Алардын пикири боюнча, дүйнөлүк экономиканын активдүү калыбына келиши региондогу коомдук-саясий туруксуздуктун тобокелдиктеринин ордун толтурат, бул топтолгон капиталды (имараттарды жана курулмаларды) тескөөгө таасирин тийгизет жана келечектеги инвестицияларды ооздуктоого көбүрөөк салым кошот.
Экономикалык активдүүлүктүн өсүшү туңгуюктун жана пландаштырылган бюджеттик консолидациянын шартында инвестициялардын чектелген суроо-талабы менен чектелет. Мындан тышкары, банктын божомолуна ылайык, кургакчыл мезгилдер, суунун тартышсыздыгы кошумча чектөөчү катары таасир берет.
Centerra Gold компаниясынын пландарына ылайык, Кумтөр кенинде алтын өндүрүү быйыл болжол менен 12%га төмөндөйт, бул ЕӨБдүн божомолу менен ИДПнын өсүшүн 1-1.3% га төмөндөтөт. Дүйнөлүк базарларда алтынга болгон жогорку баалардын сакталышы, алтын казып алуу секторундагы өндүрүштүн терс көрсөткүчтөрүн кандайдыр бир деңгээлде жаап кетиши мүмкүн.
Банктын аналитиктери Кумтөр кениндеги убактылуу тышкы башкаруу ишкананын узак мөөнөттүү өндүрүш пландарын өзгөртпөйт деген ишенимде.
