Израиль өзүнүн жарандарына КРга келишине тыюу салды
Израиль коронавируска байланыштуу өз жарандарынын Кыргызстанга келүүсүнө тыюу салды. Бул тууралуу newsru.co.il порталы билдирди.
Ошондой эле кызыл тизмеге Аргентина, Бразилия, Түштүк Африка, Индия, Россия, Мексика, Беларуссия, Өзбекстан, Испания кирет. Кийинки жумадан баштап анын курамын Улуу Британия, Грузия, Кипр жана Түркия толуктамакчы.
Белгилей кетсек, кечээ, 22-июлда эле КР 60 күнгө чейин визасыз режим киргизилген мамлекеттердин тизмесине Израилди да кошкон болчу.
Эскерте кетсек, визасыз кирүүгө уруксат берилген тогуз жаңы өлкөнүн катарында Албания, Болгария, Вьетнам, Кипр, Түндүк Македония, Румыния, Таиланд, Мексика да бар.
