КР Кытайдан Sinopharm вакцинасынын 1 млн дозасын сатып алууну көздөөдө
Экономика жана финансы министри Акылбек Жапаров КР Кытайдын Sinopharm вакцинасынын 1 млн 250 миң дозасын сатып алууну пландап жатканын билдирди. Анын берген маалыматына таянсак, резервден бул үчүн 499 млн сом бөлүнгөн.
Анын айтымында, буга чейин Кыргызстан 815 млн сомго 1.1 млн дозаны сатып алган. Алынуучу вакцинанын баасы тууралуу депутаттардын берген суроосуна, Жапаров Кытай КРга өзгөчө баа менен берип жатканын жана анын наркын айта албастыгын билдирди.
Эгерде жалпы сумманы, тагыраак айтканда, 766 млн сомду дозалардын санына бөлсө, анда бир дозанын баасы болжол менен 7.3 долларга айланат.
Жапаровдун айтымында, Дүйнөлүк банк менен сүйлөшүүлөр жүргүзүлдү. Вакцина коронавируска каршы күрөшкө берилүүчү 17 млн долларга алынат.
«Мындан тышкары, октябрь айында АӨБдөн 20 млн доллар түшөөрү күтүлүүдө. Каражаттын жарымы грант, жарым бөлүгү насыя түрүндө келет. Биз 37 млн долларга вакцина сатып алып, калкка эмдөө жүргүзүүнү көздөп жатабыз», – деп кошумчалады ал.
