ОКӨФ бизнести түз каржылоо жумушун жандандыргандан кийин алгачкы эки насыясын берди
Орус-Кыргыз Өнүктүрүү Фонду (ОКӨФ) түз каржылоо ишин калыбына келтиргенден кийин алгачкы эки насыясын берди. Эскерте кетсек, 2020-жылдын октябрь айында КРдагы саясий окуяларга байланыштуу Россия тараптын демилгеси менен каржылоо иштери токтотулган болчу.
Акыркы 9 айда буга чейин жактырылган гана долбоорлор каржыланган. ОКӨФ ишин жандандыргандан бери биринчи насыяларды «Ак-Бата» жана «Семейные Традиции» компаниялары алышты.
Бөтөлкөдөгү сууларды жеткирүүчү «Ак-Бата» компаниясы тейлөө борборун куруу, кампаларды кеңейтүү жана диспенсерлерди сатып алуу үчүн 1.8 млн доллар алат. Сүт азыктарын өндүрүүчү «Семейные Традиции» компаниясына даяр продукциясын Россияга, Казакстанга жана андан ары экспорттоого өндүрүштү кеңейтүү үчүн насыя берилди. Бирок берилген насыянын көлөмү тууралуу маалымат жок.
