Эми соттолбогондугу тууралуу маалымкатты КТБдан алууга болот
2021-жылдын 26-июлунан баштап жарандар соттолгондугу же соттолбогондугу тууралуу маалымкатты жана жаранды кылмыш жоопкерчилигине тартуу боюнча арыздарды Бишкек шаарынын Калкты тейлөө борборлорунан алса болот. Бул тууралуу Санариптик өнүктүрүү министрлиги кабарлады.
Берилген маалыматка ылайык, бул кызмат борборунун калкты тейлөө борборлорунда ачылышы арыз берүүчүнүн убактысын үнөмдөп, ыңгайлуу шарттарды түзөт. Анткени соттолгондугу же соттолбогондугу маалымкат көп тармактарда талап кылынуучу зарыл документ болуп саналат.
Толтурулган өтүнмө ИИМге жөнөтүлөт жана 7 күндөн кийин документти Курманжан Датка көчөсү, 115 дареги боюнча ИИМдин маалыматтык технологиялар башкы башкармалыгынын кызматтарды көрсөтүү борборунан алууга болот.
Эгерде маалымкат шашылыш түрдө керек болсо, анда акы төлөнүүчү негизде 1-3 күндүн ичинде да алууга болот.
Эскерте кетсек, аталган документти ИИМге барып отурбастан, Бишкектеги КТБда «өзүн-өзү тейлөө зоналарындагы» https://portal.tunduk.kg/ электрондук кызмат көрсөтүүлөрдүн порталы аркылуу да алууга болот.
