Бишкектеги кайсы тамактануу жайларына, дүкөндөргө айып пул салынды? – Тизме, Covid-19
Борбор калаадагы эпидемиологиялык оор кырдаалга байланыштуу белгиленген убакыт талаптарынын сакталышын көзөмөлдөө максатында рейддер жүрүүдө. Натыйжада, Бишкектеги бир катар ишканаларга айып пулдар салынды. Бул тууралуу мэриянын маалымат кызматы кабарлады.
Масканын жоктугу, килемдердин дезинфекцияланбагандыгы, антисептиктер, социалдык аралыкты сактабагандыгы жана кызматкерлердин саламаттыгын сактоо китебинин жоктугу үчүн айрым мекемелерге айып пул салынган.
«Тамшан», «Ашлянфу», «Ин Лаваш», «Поварёшка», «Изюм», «Евразия», «Печки-Лавочки», «Ходжа Насреддин», «Микаса», «Халил», «Beef burgers», «Inlavash», «Нишан». «Адиш-Ата», «Шайын Апа», «Бухара Ассорти», «Буржуй», «Covallo cofee» («Бишкек Парк» СБ), «Deli Team» («Бишкек Парк» СБ) коомдук тамактануу жайларына айып пул салуу коркунучу турат.
«Народный», «Глобус», «Шекер» гипермаркеттерине, «Фанат», «Глобал» компьютердик клубдарына, «Арена», «Li-Ning», «Плюс» дүкөндөрүнө, «Euforia» («Бишкек Парк» СБ), «Ф7» («Детский Мир» СБ), «Бай Тушум» банкы да эреже бузгандардын катарына киришти.
Алардын ичинде «Партнёр Кей Джи», «Ринго Трейд», «Медсервис KG», «Фармстор», «Бимар», «Детский Мир Кей Джи», «Берен Голд» соода борбору да бар.
Бардык мыйзам бузуучулар КРнын «Бузуулар жөнүндө» кодексинин 293-беренеси боюнча айып пул төлөшөт, жеке адамдарга 3 миң сом, ал эми юридикалык жактарга 13 миң сом.
