«Паспортту үйгө жеткирип берүү» кызматы иштеп жатат
Санариптик өнүктүрүү министрлиги паспортту үйгө жеткирип берүү кызматын пайдаланууну жарандардын эсине салат.
Кантип паспортту үйгө чейин жеткирип берүү кызматын алса болот?
Паспортту үйгө жеткирип берүүнү каалаган жарандар:
- Калкты тейлөө борборунда же паспорттоштуруу бөлүмүндө паспорт алууга документтерди тапшырып жатканда, документти кабыл алып жаткан кызматкерге паспортту үйгө жеткирип берүү өтүнүчү менен кайрыласыз (системада арыз паспортту үйгө жеткирип берүү кызматы менен автоматтык түрдө түзүлөт)
- паспортту жеткирип берүү үчүн толук даректи жана байланыш номерлеринизди айтасыз
- жеткирип берүү кызматы үчүн банк кассасында төлөм жүргүзөсүз (төлөөгө дүмүрчөк жеткирүүнү эске алуу менен түзүлөт)
- кызмат көрсөтүүнүн наркы 100 сом
Паспортту даярдоо мөөнөтүнө ылайык, почтальондор паспортту алгандыгы тууралуу алдын ала маалымдайт жана арызда көрсөтүлгөн дарек боюнча жеткиришет.
Жеткирүү мөөнөтү документ паспорттоштуруу бөлүмүнө же КТБна келип түшкөн учурдан тартып эки- үч иш күндөн күндө жүргүзүлөт.
Паспортту үйгө жеткирип берүү кызматы жарандарга ыңгайлуу шарттарды түзүү максатында жана өлкөдөгү эпидемиологиялык абалды эске алуу менен ишке киргизилген.
Паспортту үйгө жеткирип берүү КР СӨМ караштуу «Кыргыз Почтасы» мамлекеттик ишканасынын почтальондору тарабынан жүргүзүлөт.
2020-жылы 458 паспорт үйлөргө жеткирилсе, ал эми 2021-жылдын биринчи жарым жылдыгында 657 жаран бул кызматтан пайдаланышкан.
