Улуттук банктын алтын-валюта резервдери 2021-жылдын 27-июлуна карата 2.65 млрд АКШ долларын түздү
Улуттук банктын алтын-валюта резервдери 2021-жылдын 27-июлуна карата 2.65 млрд АКШ долларын түзгөнүн Улуттук банк расмий түрдө билдирет.
Азыркы учурда коом ичинде Улуттук банкынын алтын-валюта резервдери кескин азайып баратат деген маалымат тарап жатат. Улуттук банктын алтын-валюта резервдери 2021-жылдын 27-июлуна карата 2.65 млрд АКШ долларын түзөрүн Улуттук банк расмий түрдө билдирет. Бул тууралуу регулятордун маалымат кызматы жарыялады.
Бул товарлар жана кызмат көрсөтүүлөр импорту минималдуу 3 айга сунушталган шартта дагы, 6 айга жакын импорт көлөмүнүн ордун жабат. Учурдагы алтын-валюта резервдеринин көлөмү өлкөнүн макроэкономикалык жана финансылык коопсуздугун камсыз кылуу үчүн жетиштүү деңгээлде запас көлөмүнө ээ.
Акыркы бир нече жылдардан бери өлкөнүн алтын-валюта резервинин көлөмү өсүп жаткандыгы катталган. Алсак, 2019-жылдын аягында алтын-валюта резервдери 2.4 млрд долларды, ал эми 2020-жылдын акырында 2.8 млрд долларды түзгөн.
Алтын-валюта резервдеринин курамына алтын, Атайын карыз алышуу укугу (СДР), АКШ доллары, евро, англис фунту жана башка чет өлкө валюталары кирет. Жыл ичинде эл аралык резерв көлөмү валюталар курсунун өзгөрүшүнө, баалуу металлдарга болгон баанын өзгөрүшүнө, тышкы карыздарды төлөөгө жана башка факторлорго байланышуу өсүшү да, ошондой эле кыскарышы да мүмкүн. Ошондуктан, эл аралык резервдердин өзгөрүү динамикасын кароодо жылдык мааниге таянуу зарыл, себеби жыл ичинде алтын-валюта резервдеринин көлөмү эреже катары өзгөрүүлөргө дуушар болуп турат деп айтылат жарыяда.
