«Алтын Альянс» жыл аягына чейин 2.3 миң кг алтын өндүрүүнү пландап жатат
«Алтын Альянс» алтын өндүрүү комбинаты Жерүй кенинен жыл аягына чейин 2.3 миң кг алтын өндүрүүнү пландап жатат. Мындай маалымат Министрлер кабинетинин төрагасы Улукбек Мариповдун Талас облусуна болгон иш сапарынын алкагында, компаниянын ишмердиги менен таанышуу учурунда айтылды.
Белгилей кетсек, Жерүйдө бүгүнкү күнгө чейин 1086 кг алтын өндүрүлүп, баалуу металлдарды сатып алуудагы артыкчылыктуу укукка ылайык, КРнын Улуттук банкы тарабынан 940 кг тазаланган алтын сатылган. Ушул жылдын аягына чейин 2300 кг алтын өндүрүү пландалууда.
Мариповго «Алтын Альянс» компаниясынын кызматкерлери алтындын электролизи жана эритүү процессин көрсөтүштү, натыйжада, 25 кг алтын куймасы алынды.
