Мамлекеттик антимонополия базарларды капыстан текшерүүгө алууну көздөп жатат
КРнын Мамлекеттик монополияга каршы кызматы баалардын түзүлүшү үчүн базарларды капыстан текшерүү укугу тууралуу мыйзам долбоорун иштеп чыкты. Бул тууралуу маалымат жыйынында Монополияга каршы жөнгө салуу мамлекеттик агенттигинин директору Кеңешбай Тайлаков билдирди.
Берилген маалыматка ылайык, азыр баалар кескин көтөрүлүп кетсе, аталган кызмат Экономика министрлигинин уруксатысыз текшерүү жүргүзө албайт.
Мамлекеттик монополияга каршы кызматтын башчысынын айтымында, мындай чаралар ишкерлердин алып сатарлык аракеттерине тезирээк жооп берүүгө жана бааны негизсиз жогорулатып жиберген учурда айып пул салуу жана тиешелүү чараларды колдонууга жардам берет.
Белгилей кетсек, жыл башынан бери Монополияга каршы мамлекеттик кызматы айып пулдар аркылуу мамлекеттик бюджетке 138 млн сом которгон, бул өткөн жылдын ушул мезгилине салыштырмалуу 30 млн сомго көп.
