Бүгүн, 10-сентябрда Бишкекте Соода-экономикалык кызматташтык боюнча өкмөттөр аралык комиссиясынын 10-кеңешмеси, ошондой эле кыргыз-түрк бизнес-форуму өтөт. Бул тууралуу Инвестициялар министрлигинин басма сөз кызматы билдирди.

Аталган форум Sheraton Bishkek отелинде өтөт. Аны Түркиянын Инвестициялар министрлиги жана Тышкы экономикалык байланыштар кеңеши уюштурууда.

Ага экономиканын түрдүү тармактарынан 50гө жакын түрк фирмалары катышат.

Бизнес форумдун алкагында ата мекендик компаниялар түркиялык потенциалдуу бизнес өнөктөштөрү менен сүйлөшүүлөрдү жүргүзүп, ишкердик кызматташтыкты түзүүгө мүмкүнчүлүк алышат.

Аталган иш-чарага катышуу үчүн Түркия Республикасынын Вице-президенти Фуат Октай келди. «Манас» эл аралык аэропортунда сыйлуу конокту Министрлер Кабинетинин Төрагасы Улукбек Марипов тосуп алды.

Сапар алкагында эки тараптуу жолугушуулар, бир катар эки тараптуу документтерге кол коюу жана «Маариф» мектебинин ачылышы пландалууда.