2020-жылы Фонд КРнын мамлекеттик бюджетине 24.9 млн сомдон ашык которгон (КР Социалдык фондго чегерүүлөр, киреше жана башка салыктар). Бул тууралуу фонддун жылдык отчетунда айтылат.

Фонддун ишмердиги үчүн өлкөгө 26 жылдын ичинде 107.4 млн АКШ доллары акысыз келип түшкөн.

2020-жылы COVID-19 эпидемиясы менен күрөшүүгө болсо «Сорос-Кыргызстан» КРга дээрлик 2 млн доллар тарткан.

COVID-19 менен күрөшүү үчүн каражаттар программанын бюджетинен бөлүнгөн:

• Коомдук саламаттык сактоо – 1 120 489 доллар
• Билим берүү программасы – 209 231 доллар
• Укуктук программа – 287 005 доллар
• Маалыматтык программа – 40 000 доллар
• ЖМКларды өнүктүрүү программасы – 133 176 доллар
• «Жарандык катышуу» программасы – 37 913 доллар

Ал эми 2020-жылы Фонддун жалпы бюджети – 4 763 333 долларды түзгөн.

«Биз COVID-19 жана анын кесепеттери менен күрөшүүгө кошумча каражаттарды тартуу боюнча аябагандай чоң иштерди жүргүздүк. Жалпысынан 2020-жылы Ачык коом Фонддорунун резервдик ресурстарынан 1.5 млн долларды тарттык жана биздин жеке салымдарыбызды эсепке алуу менен, «Сорос-Кыргызстан» Фонду пандемия жана анын кесепеттери менен күрөшүүдө Өзгөчө фонддун алкагында 1.8 млн доллар жумшады», – деп айтылат отчетто.