Энергетикалык көз карандысыздыкка жетүү үчүн Кыргызстан электр энергия өндүрүшүн 18 млрд киловатт-саатка чейин көбөйтүшү керек. Бул тууралуу Экономика жана каржы министри Акылбек Жапаров «Коомдук диалог: Жаңы экономикалык саясат» конференциясында билдирди.

Анын айтымында, бүгүнкү күндө энергетика тармагы ата мекендик экономиканын эң көйгөйлүү багыттарынын бири болуп саналат. 30% критикалык эскирүү болсо, энергетика секторунда бул көрсөткүч 80%ды түзөт. Бишкек ТЭЦинде жабдуулар болсо 60%га эскирген.

«Жыл сайын республикада электр энергиясын колдонуу 4-6%га өсүүдө. Бүгүнкү күндө электр энергиясына болгон тартыштык жана суроо-талап дээрлик 6 млрд киловатт-саатты түзөт. Электр энергиясын жаратууга дагы бизге кайра энергия булактары керек. КРда күндүн потенциалы 490 млн киловатт-саат, ал эми шамалдын потенциалы 44.6 млн киловатт-саат. Суунун потенциалын колдонуу жана жаңы технологияларды киргизүү гана биздин азык-түлүк туруктуулугубузду, керектөөбүздү камсыздайт», – деди Жапаров.