Сентябрда ири компаниялар 460 млн сомдук салыкты бюджетке аванс катары төлөшкөн

Сентябрь айында ири компаниялар 460 млн сомдон ашык суммадагы салыктарды алдын ала төлөшкөн. Бул тууралуу osoo.kg билдирди.

2021-жылдын сентябрь айында КРнын ири салык төлөөчүлөрү салыктын ар кандай түрлөрү боюнча аванс катары бюджетке 460 млн сомдон ашык акча төлөшкөн. Мамлекетке эң ири төлөмдөр төмөнкү компаниялар тарабынан аткарылган:

• «Түштүк Кыргыз Цемент» ЖАК– 155.8 млн сом
• «Газпромнефть-Азия Оперейтинг компаниясы» ЖЧК – 170 млн сом
• «Альфа Ойл» ЖЧК – 50 млн сом
• «Альфа Телеком» ЖАК – 20 млн сом
• «Теллур» ЖЧК – 10 млн сом
• Транспорт жана коммуникация министрлигинин алдындагы «Кыргызаэронавигация» мамлекеттик ишканасы – 6 млн сом
• «Партнер Нефть» ЖЧК – 4 млн сом

Ушул жылдын сентябрь айында аванс менен салык төлөгөн ири компаниялардын катарында «КАЗ Минерал Бозымчак» ЖЧК, «Автомаш Радиатор» ЖЧК, «ТД Сласть» ЖЧК, «Горно-промышленная компания Природное золото» ЖЧК, «ПЭЙ 24» ЖЧК жана «Бакай», «Бай-Түшүм», «Оптима», «Керемет Банк», «Капитал Банк», «Айыл Банк» банктары бар.