Кыргызстанда инфляция 6.5%ды түздү – эң жогору баалар Жалал-Абадда байкалды
Кыргызстанда январь-сентябрь айларында инфляция 6.5%ды түздү. Кызмат көрсөтүүдөн баштап тамекиге чейин бардыгы кымбаттады. Мындай маалыматты Улуттук статистикалык комитет берди.
Алкоголдук ичимдиктердин жана тамекинин баасы 9.8%га, азык-түлүк жана алкоголсуз суусундуктар – 7.4%га, азык-түлүк эмес товар – 6.4%га, тарифтер менен кызмат көрсөтүүлөр – 2.4%га кымбаттады.
Өткөн жылдын декабрына салыштырмалуу керектөө бааларынын жана тарифтердин жогорулашы бардык региондорго таасирин тийгизди. Мында инфляциянын максималдуу деңгээли (9.6%) Жалал -Абад облусунда катталган. Бул башка региондорго салыштырмалуу азык-түлүк эмес товарларга (12.7%га) жана алкоголго жана тамекиге (11.9%) баалардын көтөрүлүшүнө байланыштуу болду дейт Улутстатком.
