Ошто 18 көп кабаттуу үй мыйзамсыз курулууда – тизмеси

Министрлер кабинетинин алдындагы Архитектура, курулуш жана турак жай-коммуналдык чарба мамлекеттик агенттиги республика боюнча 59 бийик курулуш мыйзамсыз курулуп жатканын аныктады. Алардын ичинен 18 объект Ош шаарында жайгашкан.

Мыйзам боюнча, архитектуралык документи жок курулуш жүргүзүүгө болбойт. Буга байланыштуу аталган агенттиктин архитектуралык курулушту көзөмөлдөө башкармалыгы мыйзам бузууларды жоюу боюнча иштерди аткарат.

Агенттиктин берген маалыматына ылайык 18 объект Ошто мыйзамсыз курулууда. Алардын он төртүнүн адрестерин turmush.kg порталы аныктап чыккан.

• Курманжан датка №420 дарегиндеги көп кабаттуу турак жай. Буюртма берүүчү — «Бизнес Хаус» ЖЧК. 
• Алиев көчөсү №147,149,151 дарегиндеги көп кабаттуу турак жай. Буюртма берүүчү – «Золотой квадрат» ЖЧК. Компания 2019-жылы 11-мартта катталган.
• Ленинабад көчөсү 8 дарегиндеги көп кабаттуу турак жай. Буюртма берүүчү – «Долина Строй» ЖЧК. Компания 2019-жылы 10-июнда катталган.
• Ленин көчөсү №702 дарегиндеги көп кабаттуу турак жай. Буюртма берүүчү – «Бизнес ЖЧК.
• Курманжан датка көчөсүндөгү көп кабаттуу турак жай. Буюртма берүүчү – «Модерн Стиль» ЖЧК. Компания 2013-жылы 12-июнда каттоодон өткөн.
• Курманжан датка көчөсү №107 дарегиндеги (котлован) көп кабаттуу турак жай. Буюртма берүүчү – жеке ишкер Мамасалиев Талант.
• Масалиев №64 дарегиндеги көп кабаттуу турак жай. Буюртма берүүчү – «Евро-Стиль» ЖЧК. Компания 2016-жылы 28-февралда каттоодон өткөн.
• Кулатов кичи району №18-1 дарегиндеги көп кабаттуу турак жай. Буюртма берүүчү – «Пик Групп» ЖЧК. Компания 2020-жылы 2-мартта кайра каттоодон өткөн.
• Жим көчөсүндөгү көп кабаттуу турак жай. Буюртма берүүчү – жеке ишкер Асыранов Жаңыбай.
• Салиева көчөсү №47 дарегиндеги көп кабаттуу турак жай. Буюртма берүүчү – «Өз Топурак» ЖЧК.
• А.Навои көчөсү №10 дарегиндеги көп кабаттуу турак жай. Буюртма берүүчү – «Астра Плюс» ЖЧК.  Компания 2019-жылы 10-январда кайра каттоодон өткөн.
• Ленин көчөсү №349 дарегиндеги көп кабаттуу турак жай. Буюртма берүүчү – «Пик-Стиль-Строй холдинг» ЖЧК.  Компания 2020-жылы 20-январда кайра каттоодон өткөн.
• Ленин көчөсү №938 дарегиндеги көп кабаттуу турак жай. Буюртма берүүчү – жеке ишкер Анарбаев Султан.
• Монуев көчөсүндөгү көп кабаттуу турак жай. Буюртма берүүчү – «АльШараф» ЖЧК.  Компания 2020-жылы 25-февралда кайра каттоодон өткөн.