Бюджет 350 млн сомго толукталды – Радиожыштыктар сатылды

Онлайн-аукциондун жыйынтыгында «Альфа Телеком» ЖАК (MegaCom бренди) «Нур Телеком» (О!) ЖЧКсы мурда баш тарткан радиожыштыкты сатып алды. Келишим республикалык бюджетти 350 млн сомго толуктады. Бул тууралуу санариптик өнүктүрүү министрлигинин басма сөз кызматы билдирди.

Эскерте кетсек, Мамлекеттик байланыш агенттиги үч лот боюнча аукцион өткөргөн:

1. 40 МГц өткөрүү жөндөмдүүлүгү менен 2300-2340 МГц (баштапкы баасы 12 млн сом). Жеңүүчү болуп «Альфа Телеком» ЖАК сунуш кылган 296 млн сом (лот төлөндү) табылды.
2. 2340-2360 МГц 20 МГц өткөрүү жөндөмдүүлүгү менен (баштапкы баасы 6 млн сом). Сунушталган 353 млн сом менен «НУР Телеком» ЖЧКсы (О!) жеңүүчү деп табылып, бирок кайра компания лотту алуудан баш тарткан. Ушуга байланыштуу сатып алуу укугу «Альфа Телеком» ЖАК сунуштаган максималдуу баасы 350 млн сомго өткөрүлүп берилди (лот төлөндү).
3. 2360-2400 МГц өткөргүчтүгү 40 МГц (баштапкы баасы 12 млн сом). Жеңүүчү болуп «Скай Мобайл» ЖЧК (Билайн) сунуштаган 360 млн сом (лот төлөндү) болду.

Берилген маалыматка ылайык, радиожыштыктарды сатуунун эсебинен өлкөнүн республикалык бюджетине 1 млрд сомго жакын киреше түшкөн. Жалпысынан мамлекеттик агенттиктин ишмердүүлүгүнүн натыйжасында, өлкөнүн бюджетине 1 млрд 471 млн сом түшкөн.