2020-жылы март-апрель айларында эл жана турак жай фондун каттоо жүрөт – мобилдик тиркеме колдонулат
Министрлер Кабинетинин 22-октябрдагы №228 «КРнын 2022-жылдагы эл жана турак жай фондун каттоосуна даярдык көрүү жана өткөрүү жөнүндө» токтомуна ылайык, республиканын аймагында 2022-жылдын 25-мартынан 3-апрелине чейин, ал эми алыскы райондордо 2022-жылдын 23-апрелинен 2-майына чейинки мезгилде өтөт.
Кечээ, 2021-жылдын 11-ноябрында, Улутстаткомдо республикада келе жаткан эл жана турак жай фондун каттоону өткөрүү боюнча жыйын өттү. Анда каттоочулардын коопсуздугуна жана эл каттоодо алынган маалыматтардын купуялуулугуна байланыштуу маселелер талкууланды.
Жыйында Улутстаткомунун төрагасы Самат Насирдинов келе жаткан эл жана турак-жай фондусун каттоо он жылдыктын эң маанилүү окуясы экендигин баса белгиледи жана бул өлкөнүн жарандарынын социалдык-экономикалык абалын жакшыртууга багытталган бир катар программаларды иштеп чыгууга мүмкүндүк берерин айтты.
Улутстаткомдун статистикалык каттоо жана геомаалымат системасынын бөлүм башчысы Римма Чыныбаева жыйындын катышуучуларына эл жана турак жай фондун каттоого даярдык көрүү жана өткөрүү боюнча маалымат берип жатып, эл каттоонун жүрүшүндө биринчи жолу эл каттоочулар мобилдик тиркеме колдонулаарын баса белгиледи.
