«Кыргыз темир жолу» өз каражатынан Россиядан 100даана жарты вагондорун сатып алууда
КРнын чарба жүргүзүүчү субъекттеринин жүктөрүн темир жол ташууларына болгон керектөөлөрүн канааттандыруу максатында «Кыргыз темир жолу» өз каражаттарынын эсебинен «Алтай Вагон» ААКнан 100даана жарты вагондорун сатып алууда. Бул тууралуу кечээ, 11-ноябрда ишкананын маалымат кызматы кабарлады.
2021-жылдын аягына чейин 50 даана жарты вагондорун, калган 50 даана вагондорун 2022-жылдын биринчи кварталында келүүсү күтүлүүдө.
«Кыргыз темир жолу» УК» мамлекеттик ишканасынын кыймылдуу курамын жаңылоо, локомотивдерди, вагондорду, адистештирилген жабдууларды камсыздоо максатында 2021-жылдын 10-ноябрында «Кыргыз темир жолу» УК» Орус-Кыргыз өнүктүрүү фонду (ОКӨФ) жана өнөр жайды өнүктүрүү боюнча Улуттук лизинг корпорациясынын («Нацпромлизинг» ЖЧКсы) ортосунда өз ара түшүнүшүү жана кызматташуу жөнүндө Меморандумга кол коюшкан.
Мындан тышкары, «Кыргыз темир жолу» өздүк каражаттарынын эсебинен 20 км темир жолду оңдоо үчүн 2647 тонна темир рельстерин сатып алган. Жакынкы арада рельстерди алмаштыруу иштери 148-разъезд менен Кыямат – Курколдун ортосундагы тилкеден башталат.
