300дөн ашык адамга турак жай алууга 840 млн сом жеңилдетилген кредит берилди – МИК
«Менин үйүм 2021-2026» программасынын алкагында октябрь айынын алгачкы үч жумасында 318 адам турак жай алууга жеңилдетилген насыя алышкан. Бул тууралуу Economist.kg басылмасына Мамлекеттик ипотекалык компаниянын басма сөз катчысы Жылдыз Бекбаева билдирди.
Анын айтымында, анын алгачкы 500 млн сому республикалык бюджеттен, калган 340 млн сому Мамлекеттик ипотекалык компаниянын каражатынан бөлүнгөн. Учурда бюджеттик тармакта иштегендер үчүн «Жеңилдетилген ипотека» багыты боюнча 4% менен 270 насыя берилди. Ошондой эле «Жеткиликтүү ипотека» багыты боюнча 8% менен 48 насыя бардык категориядагы жарандарга берилген.
«Учурда МИКтин жетекчилиги «Жеңилдетилген ипотека» багыты боюнча кезектеги траншты бөлүү аракетин көрүп жатат», – дейт Жылдыз Бекбаева.
Эскерте кетсек, программанын өнөктөш банктары (РСК, Айыл Банк жана Бакай Банк) кабыл алынган арыздар чегинен ашып кеткендигине байланыштуу, документтерди кабыл алууну убактылуу токтотушкан.
Окшош макалалар:
«Менин үйүм 2021-2026» турак-жай программасы ишке кирди – МИК
«Менин үйүм 2021-2026» турак жай программасына ылайык, кимдер ипотекалык насыя ала алат?
4% жана 8% менен жеңилдетилген ипотека берүү 16-сентябрда башталат – МИК
Эми мамлекеттик ипотека алууга арызды онлайн берсеңиз болот – МИК
«МИК» ААКтын өнөктөш банктары 1-октябрдан баштап арыз алууну токтотот
МИК ААК мурда берилген ипотекалык кредиттердин пайыздык чендерин төмөндөтөт
