Карыздарды реструктуризациялоодон бюджетке 758 млн сом түштү
Салык кызматы 2020-жылдын августунан 2021-жылдын 1-ноябрына чейинки мезгилде салык жана камсыздандыруу төгүмдөрү боюнча карыздарды реструктуризациялоонун алкагында бюджетке 758.1 млн сом түшкөнүн маалымдайт.
Бюджетке карыздын негизги суммасынан 449.1 млн сом жана камсыздандыруу төгүмдөрү боюнча карыздын негизги суммасынан 309 млн сом түштү.
Мындан тышкары, Салык кызматы 10 миң 159 субъектке 627.4 млн сом суммасындагы туумдарды, айыптарды жана салык санкцияларын эсептен чыгарды.
СК салык төлөөчүлөр салык жана камсыздандыруу төгүмдөрү боюнча карыздын негизги суммасын төлөө жолу «Камсыздандыруу төгүмдөрүнө карата эсептелген пайыздар, туумдар, салык санкциялары, айыптар боюнча карыздарды реструктуризациялоо жөнүндө» Мыйзамына ылайык, чегерилген туумдарды, санкцияларды жана айыптарды эсептен чыгаруу мүмкүнчүлүгүн пайдалана ала тургандыгын эскертет.
Мыйзамга ылайык, 2021-жылдын 31-декабрына чейин карыздын негизги суммасын төлөгөн төлөөчүлөр жана жарандар үчүн туумдар, санкциялар жана айыптар 50 пайызга эсептен чыгарылат.
